१४ फाल्गुन,२०८२ काठमाडौं – नेपाल स्टक एक्सचेञ्ज (नेप्से) आज ६.०३ अंकले बढेर २६५४.९३ बिन्दुमा कायम भएको छ। आज ३३५ कम्पनीको १ करोड ५३ हजार कित्ता शेयर किनबेच हुँदा कुल ४ अर्ब १७ करोड ४६ लाख ३० हजार रुपैयाँको कारोबार भएको नेप्सेले जनाएको छ।

आज निर्जीवन बीमा समूह र फाइनान्स समूहका शेयर मूल्य सर्वाधिक बढेका छन्। निर्जीवन समूहको शेयर मूल्य १.०९ प्रतिशतले बढेको छ भने फाइनान्स समूहको ०.७१ प्रतिशतले वृद्धि भएको छ।

बजारमा १३७ कम्पनीको शेयर मूल्य बढेको छ भने ११८ कम्पनीको घटेको छ। ७ कम्पनीको शेयर मूल्य भने स्थिर रहेको छ। यस्तै, आज ४ उपसूचक भने ओरालो लागेको नेप्सेले जनाएको छ।