३ साउन २०८३ चितवन- चितवनको इच्छाकामना गाउँपालिका–६ जलबिरे नजिक मुग्लिङ–नारायणगढ सडकखण्डमा आइतबार बिहान तीन सवारीसाधन एकापसमा ठोक्किँदा करिब २५–२६ जना यात्रु घाइते भएका छन्।

प्रहरीका अनुसार काठमाडौंबाट दाङतर्फ जाँदै गरेको लु।प्र।०३–००१ ख ०५०५ नम्बरको बस, सर्लाहीबाट काठमाडौंतर्फ आउँदै गरेको म.प्र.०३–००२ ख ७३२ नम्बरको बस र सोही दिशाबाट पछाडि आउँदै गरेको बा.प्र.०३–००१ ख १६७१ नम्बरको ट्रक एकापसमा ठोक्किँदा दुर्घटना भएको हो।

दुर्घटनामा घाइते भएका यात्रुको तत्काल उद्धार गरी एम्बुलेन्समार्फत उपचारका लागि भरतपुरका अस्पतालमा पठाइएको प्रहरीले जनाएको छ। दुर्घटनापछि केही समय अवरुद्ध भएको मुग्लिङ–नारायणगढ सडकखण्ड दुर्घटनाग्रस्त सवारी हटाइएपछि दुवैतर्फ सञ्चालनमा आएको छ।

दुर्घटनाको कारणबारे प्रहरीले थप अनुसन्धान गरिरहेको जनाएको छ।