आर्थिक वर्षको पहिलो दिन सुनको मूल्यमा ठूलो गिरावट, तोलामा ३,१०० रुपैयाँ घट्यो

प्रकाशित मिति

२०८३ श्रावण १ गते, शुक्रबार ११:०६

१ साउन २०८३ काठमाडौं – आर्थिक वर्ष २०८३/८४ को पहिलो कारोबार दिन नेपाली बजारमा सुनको मूल्य उल्लेख्य रूपमा घटेको छ। आज सुनको भाउ प्रतितोला ३ हजार १०० रुपैयाँले घटेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ८२ हजार १०० रुपैयाँमा कारोबार भइरहेको छ। अघिल्लो कारोबार दिन सुनको मूल्य प्रतितोला २ लाख ८५ हजार २०० रुपैयाँ कायम रहेको थियो।

यता, चाँदीको मूल्य पनि घटेको छ। आज चाँदी प्रतितोला १२५ रुपैयाँले सस्तो हुँदै ४ हजार २०० रुपैयाँमा खरिद–बिक्री भइरहेको महासंघले जनाएको छ।