१७ भदौ २०८३ काठमाडौं — लुम्बिनी विकास बैंक लिमिटेडले १ लाख ५१ हजार ५८५ कित्ता संस्थापक शेयर बिक्रीमा राखेको छ। बैंकले संस्थापक समूहको उक्त शेयर हालका लागि बैंकका विद्यमान संस्थापक शेयरधनीले मात्र खरिद गर्न पाउने गरी बिक्रीमा राखेको हो। इच्छुक संस्थापक शेयरधनीले सूचना प्रकाशित भएको मितिले ३५ दिनभित्र शेयर खरिदका लागि आवेदन दिनुपर्नेछ।

आवेदन काठमाडौंको डिल्लीबजारस्थित बैंकको केन्द्रीय कार्यालयमा पेस गर्न सकिनेछ। तोकिएको अवधिभित्र विद्यमान संस्थापक शेयरधनीबाट शेयर खरिदका लागि आवेदन नपरेमा प्रचलित व्यवस्था अनुसार अन्य व्यक्ति तथा संस्थालाई समेत शेयर बिक्री खुला गरिने बैंकले जनाएको छ।