१९ असार २०८३ काठमाडौं – राष्ट्रिय स्वतन्त्र पार्टी (रास्वपा) ले पार्टीलाई डिजिटल प्रणालीमा रूपान्तरण गर्ने अभियानअन्तर्गत विकास गरिएको ‘पल्स आरएसपी’ डिजिटल प्लेटफर्मबारे आफ्ना सांसदहरूलाई जानकारी गराउन अभिमुखीकरण कार्यक्रम सुरु गरेको छ।

सिंहदरबारस्थित रास्वपा संसदीय दलको कार्यालयमा सभापति रवि लामिछानेको उपस्थितिमा सुरु भएको कार्यक्रममा ‘पल्स आरएसपी’ प्रणालीको प्रयोग, उद्देश्य र कार्यप्रणालीबारे सांसदहरूलाई जानकारी गराइँदै छ।

रास्वपाका अनुसार कार्यक्रममा डिजिटल प्लेटफर्मसम्बन्धी अभिमुखीकरणसँगै साइबर सुरक्षासम्बन्धी सचेतना कार्यक्रम पनि सञ्चालन भइरहेको छ। पार्टीले ‘पल्स आरएसपी’ मार्फत सांसदहरूको कार्यसम्पादन, समन्वय र नागरिकसँगको सम्पर्कलाई थप प्रभावकारी बनाउने लक्ष्य लिएको जनाएको छ।