२१ असार २०८३ काठमाडौं – नेपाली कांग्रेसले सरकारको १०० दिने कार्यसम्पादन र सार्वजनिक गरिएको १०० बुँदे कार्यक्रमबारे विज्ञहरूसँग छलफल गर्ने भएको छ। नेपाली कांग्रेसको संसदीय मामिला सहजीकरण संयन्त्रको आयोजनामा हुने कार्यक्रममा सुशासन, अर्थतन्त्र, सामाजिक विकास, पूर्वाधार र वैदेशिक सम्बन्धका विषयमा विज्ञहरूले आफ्नो धारणा राख्नेछन्।

कार्यक्रममा सुशासन तथा राजनीति विज्ञ रमेश अधिकारी, सामाजिक विकास विज्ञ आरती लम्साल, अर्थ विज्ञ डा. सुदनकुमार वली, पूर्वाधार विज्ञ अमृत ज्ञवाली तथा वैदेशिक सम्बन्धका विज्ञ सौरभराज पन्त सहभागी हुने कांग्रेसले जनाएको छ।

छलफल कार्यक्रम आज बिहान ११ बजे पार्टीको केन्द्रीय कार्यालय, सानेपामा आयोजना हुने जनाइएको छ।