काठमाडौं: मंगलबार तोलामा १७ सय रुपैयाँले गिरावट आएको सुनको मूल्य बुधबार भने तोलामा ५ सय रुपैयाँले बढेको छ । बुधबारका लागि सुनको कारोबार मूल्य प्रतितोला ८७ हजार ५ सय रुपैयाँ कायम भएको नेपाल सुन चाँदी व्यवसायी महासंघले जनाएको छ। त्यस्तै बुधबार चाँदीको मूल्य २५ रूपैयाँ बढेर प्रतितोला १३ सय १५ रुपैयाँ भएको छ।

मंगलबार १७ सय रुपैयाँको गिरावट आउँदा प्रतितोला ८७ हजारमा कारोबार भएको थियो। अन्तर्राष्ट्रिय बजारमा भएको सामान्य बढोत्तरीको असर नेपालमा पनि परेको हो।

बुधबार चाँदीको मूल्य २५ रूपैयाँ बढेर प्रतितोला १३ सय १५ रुपैयाँ भएको छ। अन्तर्राष्ट्रिय बजारमा बुधबार सुनचाँदीको कारोबार मूल्यमा सामान्य सुधार भएको छ। मंगलबार प्रतिऔंस १७१८.३० मुल्य भएको सुन प्रतिऔंस १७३५.३२ डलर पुगेको छ।