काठमाडौं: स्थानीय बजारमा सोमबार सुनको मूल्य तोलामा २ सय रुपैयाँले घटेको छ। छापावाला सुन तोलामा ९० हजार ४ सय रुपैयाँमा कारोबार भएको छ। छापावाला सुन आइतबार तोलामा ९० हजार ६ सयमा मा कारोबार भएको थियो।

नेपाल सुनचाँदी व्यवसायी महासंघका अनुसार तेजाबी सुन पनि तोलामा २ सय रुपैयाँले घटेको छ। ९० हजार १ सय ५० मा आइतबार कारोबार भएको तेजाबी सुन आज ८९ हजार ९ सय ५० रुपैयाँ निर्धारण भएको छ।

त्यस्तै चाँदी तोलामा पाँच रुपैयाँले बढेको छ। १ हजार ३ सय १० रुपैयाँमा आइतबार कारोबार भएको चाँदी आज तोलामा १ हजार ३ सय १५ मूल्य निर्धारण भएको छ।