२९ बैशाख २०८३ काठमाडौं- स्वतन्त्र सांसद महावीर पुनले प्रतिनिधिसभामा आफूलाई सीमित समय दिइएको भन्दै आपत्ति जनाएका छन् । उनले अन्य सांसदलाई १०, १५ वा २५–३० मिनेट समय दिइने तर आफूलाई केवल पाँच मिनेट मात्र दिइएको विषयमा असन्तुष्टि जनाएका हुन् ।

संसदमा बोल्दै उनले आफू एक्लो नभएको र जनसमर्थनको आधारमा हेर्दा राष्ट्रिय स्वतन्त्र पार्टीभन्दा पनि बढी समर्थन आफ्नो पक्षमा रहेको दाबी गरे ।

उनले आफूलाई पाँच मिनेट समय स्वीकार्य नभएको भन्दै जनमत परीक्षण गर्न समेत आग्रह गरे । “म एक्लो छैन, मेरो साथमा सारा नेपाली छन्,” भन्दै उनले समय विभाजनप्रति आपत्ति जनाएका हुन् ।