१२ माघ,२०८२ काठमाडौं – नेपाल स्टक एक्सचेञ्ज (नेप्से) परिसूचक सोमबार ३.०७ अंकले घट्दै २७६९.०९ बिन्दुमा कायम भएको छ। आज बजारमा ३३२ कम्पनीका ३ करोड ६२ लाख ६४ हजार ८७३ कित्ता शेयर किनबेच हुँदा कुल कारोबार रकम १६ अर्ब ३५ करोड ५७ लाख ३० हजार रुपैयाँ पुगेको छ।

यस दिन कारोबार भएका १३ उपसूचकहरूमध्ये ९ उपसूचक राताम्य बनेका छन्। वाणिज्य बैंक समूहको शेयर मूल्य ०.१६ प्रतिशतले घटेको छ भने विकास बैंक समूह ०.०६ प्रतिशत, फाइनान्स समूह ०.४५ प्रतिशत, इन्भेष्टमेन्ट समूह ०.५५ प्रतिशत र जीवन बीमा समूह ०.५३ प्रतिशतले ओरालो लागेको छ।

सोमबार ८८ कम्पनीको शेयर मूल्य बढेको छ भने १६५ कम्पनीको घटेको छ। बाँकी ७ कम्पनीको शेयर मूल्य भने स्थिर रहेको छ।