फाइल फोटो

काठमाडौँ : पूर्वमन्त्री तथा माओवादी केन्द्रका स्थायी कमिटी सदस्य वर्षमान पुनले मध्यरातमा संसद विघटन गरेर डकैती गरिएको बताएका छन् । पूर्वराजा ज्ञानेन्द्र शाहले पनि यस्ता असंवैधानिक र निरंकुश कदम चाल्न मध्यरातको समय रोज्ने गरेको भन्दै पूर्वमन्त्री पुनले मध्यरातमा संसद विघटन गरेर मध्यावधि चुनाव घोषणा गरिनु आपत्तिजनक भएको बताए ।

मध्यरातमा डकैती गरियोु, पुनले ट्वीटरमा लेखेका छन्, ज्ञानेन्द्र शाहले पनि शुक्रबार र मध्यरात नै रोज्ने गर्थे । प्रधानमन्त्री केपी शर्मा ओलीले मध्यरातमा मन्त्रिपरिषद बैठक बोलाएर संसद विघटनको सिफारिसअनुसार राष्ट्रपतिले दोस्रोपटक संसद विघटन गरेर चुनाव घोषणा गर्नु डकैती भएको वर्षमानको भनाइ छ ।