एसईई नतिजा सार्वजनिक गर्ने तयारीमा, यी माध्यमबाट हेर्न सकिने

प्रकाशित मिति

२०८३ बैशाख २७ गते, आईतवार १०:३३

२७ बैशाख २०८३ काठमाडौं- राष्ट्रिय परीक्षा बोर्ड, परीक्षा नियन्त्रण कार्यालय सानोठिमीले शैक्षिक सत्र २०८२ को माध्यमिक शिक्षा परीक्षा (SEE) को नतिजा सार्वजनिक गर्ने तयारी अन्तिम चरणमा पुगेको जनाएको छ । नतिजा सार्वजनिकसँगै परीक्षार्थीहरूले एसएमएस (SMS), आईभीआर (IVR) तथा विभिन्न वेबसाइटमार्फत आफ्नो नतिजा हेर्न सक्ने व्यवस्था गरिएको कार्यालयले जनाएको हो ।

कार्यालयले जारी गरेको सूचनाअनुसार नियमित तथा ग्रेडवृद्धि परीक्षाको नतिजा विभिन्न आधिकारिक माध्यमबाट प्राप्त गर्न सकिनेछ ।

एसएमएस र आईभीआरबाट नतिजा हेर्ने सुविधा

परीक्षार्थीहरूले तल उल्लेखित सर्टकोडमा एसएमएस पठाएर वा फोन गरेर नतिजा प्राप्त गर्न सक्नेछन्–

नेपाल टेलिकम : १६०० (SMS/USSD तथा IVR सेवा)
जानकी टेक्नोलोजी : ३५००१ (SMS सेवा)
एम्बिसन गुरु : ३१०६९ (SMS सेवा)

वेबसाइटमार्फत पनि नतिजा हेर्न सकिने

नतिजासँगै विस्तृत मार्कसिट हेर्नका लागि सरकारी तथा निजी क्षेत्रका विभिन्न वेबसाइटलाई अनुमति दिइएको छ । प्रमुख वेबसाइटहरू यसप्रकार छन्–

यसका अतिरिक्त निमा एजुकेशन, फोनिक्स एजुकेशन, एम्बिसन गुरु, मेरो स्टडी तथा इन्द्रेणी टाइम्सका वेबसाइटबाट पनि नतिजा हेर्न सकिने जनाइएको छ ।

परीक्षा नियन्त्रण कार्यालयले नतिजा प्रकाशित भएपछि आधिकारिक माध्यमबाट मात्र नतिजा रुजु गर्न परीक्षार्थी तथा अभिभावकलाई आग्रह गरेको छ ।