त्रिविका आंगिक क्याम्पसबाट विद्यार्थी संगठनका संरचना हटाउन निर्देशन

प्रकाशित मिति

२०८३ असार १५ गते, सोमबार ०५:०६

१५ असार २०८३ काठमाडौं- त्रिभुवन विश्वविद्यालय (त्रिवि) ले आफ्ना आंगिक क्याम्पसहरूलाई दलीय विद्यार्थी संगठनका संरचना हटाउन निर्देशन दिएको छ। त्रिविको विद्यार्थी कल्याण तथा खेलकुद निर्देशनालयले सोमबार सूचना जारी गर्दै सरकारको निर्णयअनुसार क्याम्पसभित्र रहेका विद्यार्थी संगठनका संरचना हटाई सोको जानकारी यथाशीघ्र निर्देशनालयमा पठाउन आग्रह गरेको हो।

निर्देशनालयले विश्वविद्यालय अनुदान आयोग र शिक्षा, विज्ञान तथा प्रविधि मन्त्रालयको पत्रका आधारमा उक्त निर्देशन जारी गरेको जनाएको छ।