२१ बैशाख २०७९, काठमाण्डौं : न्यूरो अस्पताल नजिक बस्ने पबित्रा अर्यालको घरबाट नगद तथा सुनका विभिन्न गहना चोरी भएको छ । बुढानिलकण्ठ नगरपालिका–८ बाँसबारी न्यूरो अस्पताल नजिक बस्ने पबित्रा अर्यालको घरबाट नगद ६५ हजार रुपैयाँ तथा सुनका विभिन्न गहना चोरी भएको हो । नगत र गहना समेत गरी करिब १० लाख ३२ हजार बराबरको धनमाल मंगलबार साँझ चोरी भएको हो ।

अर्यालको घरमा अपरिचित व्यक्तिहरूले मुल ढोकाको ताल्चा फुटाई उक्त मूल्य बराबरको धनमाल चोरी गरेको भन्ने खबर प्राप्त हुनासाथ प्रहरी वृत्त महाराजगंजबाट खटिएको प्रहरीले चोरीमा संलग्न व्यक्तिहरुको खोजी गर्नुका गरिरहेको जनाइएको छ ।

साथै, यस सम्बन्धमा आवश्यक अनुसन्धान भइरहेको प्रहरीले जनाएको छ ।