काठमाडौँ, सत्तारुढ नेपाल कम्युनिष्ट पार्टी (नेकपा) को केन्द्रीय सचिवालय बैठक बस्दै नबसी पुनः स्थगित भएको छ । स्कूल विभागको नेतृत्वबारे छलफल गर्न नेकपाको सचिवालय बैठक बिहीबार दिउँसो १ बजे बस्न बोलाइएको बैठक स्थगित भएको हो ।

पार्टीको वैचारिक विषयसँग सम्बन्धी स्कूल विभागको नेतृत्वमा विवाद चुलिँदा मंगलबारका लागि बोलाइएको बैठक स्थगित गरेर आजका लागि डाकिएको थियो । स्कूल विभागको नेतृत्वमा विशेष गरी ईश्वर पोखरेल र नारायणकाजी श्रेष्ठको दाबी रहेको छ । दुवै नेताले आफ्नो अडान नछोड्दा एकता प्रक्रियाले नै पूर्णता पाउन सकेको छैन ।