पोखरा, गण्डकी प्रदेश सभामा स्वतन्त्र सांसद राजीव गुरुङ (दीपक मनाङे) नेकपा प्रवेश गर्नुभएको छ । गुरुङलाई बिहीबार गण्डकी प्रदेशका मुख्यमन्त्रीसमेत रहनुभएका नेकपा नेता पृथ्वीसुब्बा गुरुङले पार्टीको विधान हस्तान्तरण गर्दै पार्टी प्रवेश गराउनु भएको हो ।

गुरुङ नेकपाकै समर्थनमा मनाङ ‘ख’बाट स्वतन्त्र सांसदमा निर्वाचित हुनुभएको थियो । ज्यान मार्ने उद्योगको मुद्यामा परेका गुरुङ पक्राउ परेपछि उहाँले सपथ लिन पाउनु भएको थिएन । अदालतको आदेशमा रिहा भएपछि २०७५ माघ १४ गते गुरुङले प्रदेश सभा सदस्यको सपथ लिनुभएको थियो ।

राजीवसँगै विप्लव नेतृत्वको प्रतिबन्धित नेकपाका किसान महासंघका कास्की संयोजक पुष्प कार्की पनि नेकपा प्रवेश गर्नु भएको छ ।