२० जेठ २०८३ काठमाडौं- भारत भ्रमणमा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेले आज भारतीय प्रधानमन्त्री नरेन्द्र मोदी सँग भेटवार्ता गर्ने भएका छन्। निर्धारित कार्यक्रमअनुसार बिहान १०:३० बजे हुने भेटमा नेपाल–भारत सम्बन्ध, आपसी हितका विषय तथा समसामयिक राजनीतिक मुद्दाबारे छलफल हुने अपेक्षा गरिएको छ।

यसअघि मंगलबार लामिछानेले एस जयशंकर, अमित शाह तथा भारतीय जनता पार्टी (भाजपा)का नेताहरूसँग भेटवार्ता गरेका थिए। भेटमा नेपाल–भारत सम्बन्ध, लोकतान्त्रिक अभ्यास, सुरक्षा सहकार्य तथा दुई देशका राजनीतिक दलबीचको संवाद र सहकार्यका विषयमा विचार आदानप्रदान भएको बताइएको छ।

भारत भ्रमणका क्रममा लामिछानेलाई भारतीय जनता पार्टीले विशेष स्वागत गरेको थियो। लामिछानेसहितको रास्वपा टोली यही जेठ २२ गते स्वदेश फर्कने कार्यक्रम रहेको छ।