२९ कात्तिक २०७९, काठमाडौँ : त्रिभुवन विश्वविद्यालयले परीक्षा लिएको १५ महिनापछि चार वर्षे बिएको नतिजा प्रकाशित गरेको छ । परीक्षा नियन्त्रण कार्यालय बल्खुले २०७८ साउनमा लिएको चार वर्षे बिए प्रथम वर्षको नतिजा प्रकाशित गरेको हो।
नतिजा त्रिवि पनिकाको वेबसाईट www.tuexam.edu.np बाट हेर्न सकिनेछ । त्यस्तै BA Symbol No टाइप गरी 33624 मा SMS गरेर पनि थाहा पाउन सकिनेछ । लामाे समयदेखि परीक्षा प्रकाशन गर्न नसकेकाे भन्दै त्रिवि र परीक्षा नियन्त्रण कार्यालयकाे विराेध भईरहेकाे थियाे।

परीक्षा दिएका विद्यार्थीहरू अहिले तेस्रो वर्षमा अध्ययन गर्दै आएका छन् । तेस्रो वर्षमा पुग्दा पनि त्रिविले नतिजा प्रकाशन गर्न सकेकाे थिएन। पनिकाले जनशक्तिको अभाव, चाडपर्व तथा तालाबन्दीका कारण नतिजा प्रकाशनमा ढिलाई भएको बताएको थियो।