५ असोज २०७९, काठमाडौंः चर्चित हास्य कलाकार राजु श्रीवास्तवको निधन भएको छ। दिल्लीस्थित एम्स अस्पतालमा उनको ५८ वर्षको उमेरमा निधन भएको हो। श्रीवास्तवलाई १० अगस्टमा हृदयघात भएको थियो। त्यसयता उनी एम्स अस्पतालमा उपचाररत थिए। लामो समय भेन्टिलेटरमा रहेपछि बुधबार उनले अन्तिम सास फेरेका हुन्।

श्रीवास्तव ट्रेड मिलमा दौडिरहेका बेला छातीमा दुखाई हुँदा ढलेका थिए। राजु श्रीवास्तव उत्तर प्रदेश फिल्म विकास परिषद्का अध्यक्ष थिए। उनले ‘मैने प्यार किया’, ‘बाजीगर’ र ‘आमदनी अठन्नी खर्चा रुपैयाँ’ जस्ता चलचित्रमा पनि सानो भूमिकामा देखिएका थिए।