१२ जेठ २०८३ काठमाडौं – बालेन शाहले नेपाली नागरिकको जीवनस्तर उकास्न सरकार प्रतिबद्ध रहेको बताएका छन् । सिंहदरबारमा इयू तथा विभिन्न मुलुकका राजदूतसँगको भेटमा उनले सुशासन, समावेशी आर्थिक समृद्धि र नीतिगत स्थिरतामा सरकार केन्द्रित रहने बताए ।

प्रधानमन्त्री शाहले लोकतान्त्रिक मूल्यमान्यता, राजनीतिक स्थिरता र सन्तुलित विदेश नीतिलाई निरन्तरता दिइने स्पष्ट पार्दै व्यापार, लगानी, हरित ऊर्जा, पर्यटनलगायत क्षेत्रमा सहकार्य विस्तार गर्न नेपाल तयार रहेको उल्लेख गरे । भेटमा विदेशी राजदूतहरूले नयाँ सरकारलाई बधाई दिँदै नेपालसँग लगानी र सहकार्य बढाउन इच्छुक रहेको बताएका थिए ।