हेटौँडा – बागमती प्रदेशको बजेट अधिवेशन जेठ ११ गतेदेखि सुरु हुने भएको छ । प्रदेश मन्त्रिपरिषद्को बिहीबार बसेको बैठकले प्रदेश सभाको बजेट अधिवेशन जेठ ११ गतेदेखि आह्वान गर्न प्रदेश प्रमुखसमक्ष सिफारिस गर्ने निर्णय गरेको सरकारका प्रवक्ता एवं आर्थिक मामिला तथा योजनामन्त्री प्रभात तामाङ ले जानकारी दिएका छन् ।

सरकारले आगामी आर्थिक वर्ष २०८३/०८४ को नीति तथा कार्यक्रम, बजेट तथा समसामयिक राजनीतिक विषयमा छलफल गर्ने तयारीस्वरूप अधिवेशन बोलाउने निर्णय गरेको हो ।

संवैधानिक व्यवस्था अनुसार प्रदेश प्रमुखबाट अधिवेशन आह्वान भएपछि बजेट अधिवेशन औपचारिक रूपमा सञ्चालन हुने मन्त्रालयले जनाएको छ ।