मंसिर १६, २०८२ काठमाडौं – कीर्तिपुरको त्रिवि क्रिकेट मैदानमा खेलेको एनपीएल खेलका क्रममा एक चियर लिडर घाइते भएकी छन्। जिल्ला प्रहरी परिसर काठमाडौंका एसपी तथा प्रवक्ता पवन भट्टराईका अनुसार घाइते हुनेमा शर्मिला विक रहेकी छन्।

जनकपुर बोल्ट्स र चितवन राइनोजबीचको खेलमा चितवनका कप्तान कुशल मल्लले प्रहार गरेको छक्का बल उनी रहेको स्थानतर्फ जाँदा लागेर घाइते भएको बताइएको छ। विकको अनुहारमा चोट लागेको र उनलाई तत्कालै उपचारका लागि बल्खुस्थित बयोधा अस्पताल पुर्‍याइएको प्रहरीले जनाएको छ।

घटनापछि मैदानमा केही समय खेल प्रभावित भए पनि पछि खेल सुचारु गरिएको थियो।