कात्तिक २३, २०८२ काठमाडौं—  शिक्षा, विज्ञान तथा प्रविधि मन्त्रालयले शिक्षक, प्राध्यापक तथा कर्मचारीका राजनीतिक गतिविधिमा संलग्न संघ-संगठनलाई अब मान्यता नदिने निर्णय गरेको छ।

शिक्षामन्त्री महावीर पुनका अनुसार, विद्यालयदेखि विश्वविद्यालयसम्मका केही संघ-संगठनले पेसागत दायित्वभन्दा बाहिर गएर राजनीतिक गतिविधि गर्दै आएका छन्, जसले शिक्षाको गुणस्तरमा नकारात्मक असर पारेको गुनासो प्राप्त भएको छ।

उनले गैरराजनीतिक, स्वतन्त्र र व्यावसायिक रूपमा पुनर्गठन गर्न संघ-संगठनहरूलाई आह्वान गर्दै, संवेदनशील शिक्षा क्षेत्रमा राजनीतिक गतिविधिमा संलग्न जो कोहीमाथि कानुनी कारबाही गरिने चेतावनी दिएका छन्।