भदौ २३,२०८२ काठमाडौं – काठमाडौंमा आज भएको जेनजी आन्दोलन नियन्त्रणका क्रममा प्रहरीले गोली चलाउँदा तीन जना प्रदर्शनकारीले ज्यान गुमाएका छन्।

प्रहरी स्रोतका अनुसार सिभिल अस्पतालमा उपचारका क्रममा दुई घाइतेको मृत्यु भएको छ। त्यस्तै, संसद भवनको मुख्य गेट अगाडि गोली लागेर एक प्रदर्शनकारीको घटनास्थलमै मृत्यु भएको पुष्टि गरिएको छ।

यसैगरी, ट्रमा सेन्टरमा पनि थप एक आन्दोलनकारीको मृत्यु भएको भन्ने खबर आएको छ तर यसको स्वतन्त्र पुष्टि हुन बाँकी छ।

मृत्यु हुनेहरुको पहिचान खुल्न सकेको छैन। आन्दोलनका क्रममा अझै पनि धेरै घाइतेहरू विभिन्न अस्पतालमा उपचाररत छन्।