असार ३२,२०८२ काठमाडौं । भारतको उत्तराखण्ड प्रदेशमा आगामी पञ्चायत निर्वाचनलाई मध्यनजर गर्दै नेपाल–भारत सीमा नाका अस्थायी रूपमा बन्द गरिने भएको छ। निर्वाचन जुलाई २४ र २८ (साउन ८ र १२) मा हुँदैछ।

प्रमुख जिल्ला अधिकारी पुण्यविक्रम पौडेलका अनुसार दार्चुलाको पुलघाट नाका जुलाई २१ (साउन ५) बेलुकादेखि जुलाई २४ (साउन ८) बिहानसम्म बन्द हुनेछ। यस्तै, बैतडीको झुलाघाट नाका साउन ९ गतेदेखि १२ गतेसम्म बन्द गरिनेछ।

निर्वाचन सुरक्षालाई ध्यानमा राखी गरिएको यो बन्दावन्धीका क्रममा, आकस्मिक अवस्थाका लागि दुवै देशको आपसी सहमतिमा नाका खोल्न सकिने जनाइएको छ।