काठमाडौं । रोबेर्ट लेवानडोस्कीले राष्ट्रिय टिमबाट खेल अस्वीकार गरेका छन् । पोल्याण्डको राष्ट्रिय फुटबल टिमका प्रशिक्षक माइकल प्रोबियर्जसँग विवाद भएपछि राष्ट्रिय टिमबाट खेल्न अस्वीकार गरेका हुन् ।

लेवानडोस्कीले भनेका छन्- ‘परिस्थिति र पोलिश राष्ट्रिय टोलीका प्रशिक्षकमाथिको विश्वास गुम्दै गएको कुरालाई ध्यानमा राख्दै, मैले उनी प्रशिक्षक रहुन्जेल पोलिश राष्ट्रिय टोलीबाट खेल्नबाट पछि हट्ने निर्णय गरेको छु । मलाई आशा छ, म फेरि विश्वका उत्कृष्ट फ्यानहरूका लागि खेल्ने मौका पाउनेछु ।’

प्रशिक्षक प्रोबियर्जले लेवानडोस्कीलाई राष्ट्रिय टिमको कप्तानबाट हटाएपछि असन्तुष्ट बनेका हुन् । प्रोबियर्जले लेवानडोस्कीलाई हटाएर पिओटर जिलिन्स्कीलाई कप्तान बनाएका छन् । लेवानडोस्की २०१४ देखि पोल्याण्डको राष्ट्रिय टिमको कप्तान रहेका थिए ।