माघ ११, २०८१ काठमाडौँ: काठमाडौँको लाजिम्पाटमा व्यवसायी विक्रम लामामाथि आक्रमण गर्ने दुईजनालाई भारतको हरियाणाबाट प्रहरीले पक्राउ गरेको छ। पक्राउ परेकामा नुवाकोटका अजय लामा र गोरखाका दीपक बरामु छन्।

आक्रमण अजयको योजना अनुसार भएको खुलेको छ। उनीहरू झापामा लुकेका थिए र पछि भारत भागेका थिए। फलामको सक प्रहार गरी व्यवसायी लामालाई गम्भीर घाइते बनाएको आरोपमा सातजनाविरुद्ध मुद्दा दर्ता भइसकेको छ।

मुख्य योजनाकार रमेश सिलवाल र लक्ष्मी राई भने अझै फरार रहेको प्रहरीले जनाएको छ। आरोपितलाई ज्यान मार्ने उद्योगसम्बन्धी कसुरमा १० वर्षसम्म कैद र एक लाख जरिवाना माग गरिएको छ।