१३ असार २०७९ काठमाडौंः एक दिन पनि टिकेन नेप्सेको उछाल, परिसूचकसंगै कारोबार रकममा पनि संकुचन साताको दोस्रो कारोबार दिन आज (सोमबार) सेयर बजारमा गिरावट देखिएको छ । आइतबार नेप्से परिसूचकमा उछाल नै आएको थियो नेप्से परिसूचक ९४ अंकले बढ्दा २१ वटा कम्पनीको मूल्यमा सकारात्मक सर्किट नै लागेको थियो तर आज कारोबारको दोस्रो दिनमै नेप्सेमा दोहोरो अंकको गिरावट देखिएको छ ।

नेपाल स्टक एक्सचेञ्जका अनुसार आज (सोमबार) सेयर कारोबार मापक नेप्से परिसूचक २३.८५ अंकले घटेर १९३३.१३ को विन्दुमा पुगेको छ । नेप्से १.२२ प्रतिशतले घटेको हो । यता सेन्सेटिभ परिसूचक पनि ७.०२ अंकले घटेर ३७५.८५ को विन्दुमा पुगेको छ ।

कूल २२९ वटा कम्पनीको ५६ लाख ४१ हजार ५ सय ४० कित्ता सेयर खरिदबिक्री हुँदा २ अर्ब ४ करोड ४८ लाख ३१ हजार ९ सय ४८ रूपैयाँ बराबरको कारोबार भएको नेप्सेले जनाएको छ ।