तस्वीर– डा. बाबुराम भट्टराई, फाइल

काठमाडौं :  जनता समाजवादी पार्टी जसपा का संघीय परिषदका अध्यक्ष डा। बाबुराम भट्टराईले प्रधानमन्त्री केपी शर्मा ओलीलाई आजै बिदाई गर्नुपर्ने चार कारण खोलेका छन् ।

उनले सामाजिक संजाल ट्वीटरमा सोमबार बिहान ट्वीट गर्दै चार कारण खोलेका हुन् ।

पहिलो -कारणमा उनले कोरोना नियन्त्रणमा पूर्ण असफल रहेको भनी उल्लेख गरेका छन् ।

दोस्रो -कारणमा उनले संविधान विपरीत संसद बिघटन गरेर दुई तिहाई नजिकको बहुमत खेर फालेर देशलाई अस्थीरतामा धकेलेको आरोप लगाएका छन् ।

तेस्रो – कारणमा उनले संवैधानिक अंग लगायत राज्यका सबै अंग कब्जा गरेर लोकतन्त्र धरापमा पारेको बताएका छन् ।

चौथो -कारणमा खोप–औषधि खरिदमासमेत भ्रष्टाचार गरेको आरोप लगाएका छन् ।

ओलीले सोमबार दिउँसो १ बजे संसदमा विश्वासको मत लिँदैछन् । उनले विश्वासको मत पाउने सम्भावना छैन ।