भक्तपुरः कक्षा १२ को परीक्षाफल अब १० दिनभित्रै बोर्डले नतिजा सार्वजनिक गर्ने बोर्डले तयारी गरेको छ ।

केही अव्यबस्थित भएका कारण नतिजा सार्वजनिक गर्न लक्ष्यभन्दा ढिलाइ भए पनि अबको १० दिनभित्र सार्वजनिक गर्ने तयारी भएको हो ।

शिक्षा पत्रकार सञ्जाल नेपालले बिहीबार गरेको कार्यक्रममा राष्ट्रिय परीक्षा बोर्डका अध्यक्ष प्राडा चन्द्रमणि पौडेलले अबको १० दिनभित्रै कक्षा १२ को नतिजा सार्वजनिक गर्ने तयारी भइरहेको बताए ।

अध्यक्ष पौडेलका अनुसार विद्यार्थीको नम्बर इन्ट्रीको काम सकिएको र अहिले रुजुको काम भइरहेको छ । अहिलेसम्म ४० प्रतिशत रुजुको काम सकिएको उनले बताए ।

राष्ट्रिय परीक्षा बोर्डले यस वर्ष कक्षा १२ मा ४० प्रतिशत पूर्णांकको मात्र परीक्षा लिएको थियो ।