भारतको पंजाबमा सम्पन्न भएको इन्टरनेशल स्कुल अवार्डमा भक्तपुरका तीन विद्यालयले अन्तर्राष्ट्रिय अवार्ड पाउन सफल भएका छन् ।

भक्तपुर कौशलटारस्थितस्थित जनप्रेमी स्कुलले ‘बेस्ट प्रिस्कुल अफ द इएर’, गठ्ठाघरस्थित सिद्धार्थ विद्यापीठ स्कुलले ‘स्ट्यान्डएलोन स्कुल अफ द इएर’ र दधिकोटस्थित मोर्डन बोर्डिङ स्कुलले ‘बेस्ट टिचिङ एक्सिलेन्सी अवार्ड’ प्राप्त गरेका थिए । विश्वका ४१ देशका ९ हजार ६ सय ७३ वटा स्कुल सहभागि प्रतिस्पर्धामा २४१ वटा विद्यालयले उपाधि जितेका थिए ।

यो अवार्डले स्कुललाई थप जिम्मेवारी र चुनौती थपेको जनप्रेमी स्कुलका प्रिन्सिपल निलेश आचार्य बताउँछन् । उनले अब विद्यालयको शिक्षा विधी, भौतिक संरचना लगायतमा विशेष ध्यान दिने जानकारी  दिनुभयो ।

सो अवार्ड प्रतियोगितामा नेपालबाट विभिन्न ७० वटा विद्यालयले नोमिनेशन गराएका थिए ।