२६ भदौ २०८३ काठमाडौं — शुक्रबार सुनको मूल्य एकैदिन तोलामा ४ हजार ८ सय रुपैयाँले घटेको छ। नेपाल सुनचाँदी व्यवसायी महासंघका अनुसार आज सुन प्रतितोला ३ लाख १ हजार रुपैयाँमा कारोबार भइरहेको छ। अघिल्लो दिन सुनको मूल्य प्रतितोला ३ लाख ५ हजार ८ सय रुपैयाँ थियो।

यस साताको पहिलो दिन आइतबार सुन प्रतितोला ३ लाख ७ हजार ४ सय रुपैयाँमा कारोबार भएको थियो।

यस्तै, शुक्रबार चाँदीको मूल्य पनि तोलामा २५५ रुपैयाँले घटेको छ। अघिल्लो दिन प्रतितोला ४ हजार ८ सय ५५ रुपैयाँ रहेको चाँदी आज ४ हजार ६ सय रुपैयाँमा झरेको छ।

आइतबार चाँदीको मूल्य प्रतितोला ४ हजार ७ सय ६५ रुपैयाँ रहेको थियो।