भक्तपुर, भक्तपुर जिल्लाका क्रियाशील पत्रकारहरुलाई मास्क तथा सेनीटाइजर वितरण गरिएको छ । नेपाल कम्यूनिष्ट पार्टी (नेकपा) बागमती प्रदेश प्रचार प्रसार विभागमा चिनध्रुव प्रसाद घिमिरे र सदस्य आनन्द पुनले र वर्तमान अवस्थामा कोभिड १९ रोगबाट बच्न सर्जिकल मास्क ५० पिस प्रतिव्यक्ति र सेनेटाइजर प्रदान गर्नु भयो ।

चाईनिज संस्थाको सहयोगमा उक्त सुरक्षा सामाग्री प्रदान गरिएको संचारकर्मी आनन्दपुने जानकारी दिनुभयो । प्रेस संगठन भक्तपुरकी संयोजक कविता थापा, अग्रज पत्रकार गोपिकृष्ण ढुंगाना, विरेन चौलागाई, सागर गुरागाईं लगायतका पत्रकारहरुले वर्तमान अवस्थामा संचारकर्मीको भूमिका बारे धारणा राख्नु भयो । भक्तपुरको सल्लाघारीमा भएको उक्त सुरक्षा सामाग्री वितरण कार्यक्रममा २७ जना संचारकर्मी उपस्थित भएको जानकारी दिइएको छ ।