सुनसरी घटनामा एमालेको प्रधानमन्त्री र गृहमन्त्रीको राजीनामा माग

प्रकाशित मिति

२०८३ श्रावण १४ गते, बिहीबार ११:५१

१४ साउन २०८३ काठमाडौं – नेकपा एमालेले सुनसरी घटनाको नैतिक जिम्मेवारी लिँदै प्रधानमन्त्री बालेन्द्र शाह र गृहमन्त्री सुधन गुरुङको राजीनामा माग गरेको छ।

प्रतिनिधिसभाको बिहीबार बसेको बैठकमा सांसद पद्मा अर्यालले सुनसरीमा भएको घटनाप्रति सरकार गम्भीर बन्न नसकेको आरोप लगाउँदै प्रधानमन्त्री र गृहमन्त्रीले नैतिक जिम्मेवारीका आधारमा पदबाट राजीनामा दिनुपर्ने बताइन्।

उनले यति गम्भीर घटना हुँदा प्रधानमन्त्री कहाँ थिए भन्ने प्रश्नसमेत उठाउँदै शान्ति–सुरक्षा कायम गर्न सरकार असफल भएको आरोप लगाइन्।