१८ भदौ २०८३ काठमाडौं — नेपाली कांग्रेसका सांसद भरतबहादुर खड्का संसद्को सभाकक्षमै ढलेका छन्। खड्का ढलेपछि कांग्रेसका सांसदहरू उनलाई उठाउन पुगेका थिए। सोही क्रममा सांसद सोम शर्मा बोलिरहेका थिए। सभामुख डोलप्रसाद अर्यालले केहीबेर शर्मालाई बोल्न रोकेर अवस्था सहज भएपछि पुनः बोल्न अनुमति दिएका थिए।

संसद् सचिवालयका सहसचिव एवं प्रवक्ता एकराम गिरीका अनुसार खड्काको रक्तचाप उच्च देखिएको छ। संसद् सचिवालयमै प्रारम्भिक परीक्षण गर्दा रक्तचाप उच्च देखिएपछि सामान्य परीक्षणपछि उनलाई थप उपचारका लागि वीर अस्पताल लैजान लागिएको गिरीले जानकारी दिए।