३० असार २०८३ काठमाडौं – प्रतिनिधिसभा बैठकमा सहभागी हुन पुगेका प्रधानमन्त्री बालेन्द्र शाह (बालेन) र राष्ट्रिय स्वतन्त्र पार्टी (रास्वपा) का सभापति रवि लामिछाने केहीबेरमै बैठकबाट बाहिरिएका छन्। प्रधानमन्त्री शाह र लामिछाने मंगलबार दिउँसो १ बजेर ३७ मिनेटमा प्रतिनिधिसभा बैठकमा प्रवेश गरेका थिए। उनीहरू करिब २० मिनेट बैठकमा बसेपछि बाहिरिएका हुन्।

बैठकमा सहभागी हुनुअघि प्रधानमन्त्री शाहले सभामुख डोलप्रसाद अर्यालसँग करिब पाँच मिनेट छलफल गरेका थिए।

प्रधानमन्त्री बालेन लामो अन्तरालपछि प्रतिनिधिसभा बैठकमा उपस्थित भएका थिए। त्यसअघि उनी जेठ १७ गतेपछि पहिलोपटक संसद् पुगेका हुन्।