३० असार २०८३ काठमाडौं – प्रधानमन्त्री बालेन्द्र शाह (बालेन) मंगलबार प्रतिनिधिसभा बैठकमा उपस्थित भएका छन् । असार ३० गते बसेको प्रतिनिधिसभा बैठक जारी रहँदा प्रधानमन्त्री शाह सदनमा प्रवेश गरेका हुन् ।

सत्तारूढ राष्ट्रिय स्वतन्त्र पार्टी (रास्वपा) का सभापति रवि लामिछाने पनि प्रधानमन्त्रीसँगै बैठकमा पुगेका छन् । गत जेठ १७ गते प्रतिनिधिसभा बैठकमा सम्बोधन गरेपछि प्रधानमन्त्री बालेन पहिलोपटक सदनमा उपस्थित भएका हुन् ।

यसअघि विपक्षी दलहरूले प्रधानमन्त्री संसद्मा उपस्थित भएर आफ्ना अभिव्यक्ति र सरकारका कामबारे जवाफ दिनुपर्ने माग गर्दै आएका थिए । प्रधानमन्त्रीको अनुपस्थितिलाई लिएर संसद्मा पटक–पटक प्रश्न उठ्दै आएको थियो ।