भदौ ३१,२०८२ काठमाडौं – कुमारी बैंक लिमिटेडले असोज महिनाका लागि नयाँ व्यक्तिगत तथा संस्थागत निक्षेपको ब्याजदर सार्वजनिक गरेको छ। बैंकले व्यक्तिगत मुद्दती निक्षेपको ब्याजदर घटाएको छ भने संस्थागत निक्षेपको ब्याजदर यथावत राखेको छ।

बैंकका अनुसार असोज महिनाका लागि व्यक्तिगत मुद्दती निक्षेपमा अधिकतम ४.८१ प्रतिशत ब्याजदर लागू हुनेछ। भदौ महिनामा व्यक्तिगत मुद्दती निक्षेपको अधिकतम ब्याजदर ५.०१ प्रतिशत रहेको थियो। संस्थागत निक्षेपको ब्याजदर भने ४.०१ प्रतिशत यथावत राखिएको छ।

असोज महिनाका लागि व्यक्तिगत मुद्दती निक्षेपतर्फ असोज महिनामा ३ महिनादेखि ६ महिनासम्मका लागि ३.२१ प्रतिशत, ६ महिनादेखि १ वर्षसम्मका लागि ३.४१ प्रतिशत, १ वर्षदेखि २ वर्षसम्मका लागि ३.९१ प्रतिशत, र २ वर्ष वा सोभन्दा माथिका लागि ४.८१ प्रतिशत ब्याजदर प्रदान गरिनेछ।

त्यसैगरी, ‘कुमारी स्मार्ट एप’ मार्फत खोलिने मुद्दती निक्षेप अन्तर्गत ३ महिनादेखि ६ महिनासम्मका लागि ३.४१ प्रतिशत, ६ महिनादेखि १ वर्षसम्मका लागि ३.६१ प्रतिशत, १ वर्षदेखि २ वर्षसम्मका लागि ४.११ प्रतिशत, र २ वर्ष वा सोभन्दा माथिका लागि ५.०१ प्रतिशत ब्याजदर तोकिएको छ ।