धादिङ, जलाशययुक्त बूढीगण्डकी जलविद्युत् आयोजना अन्तरगत डुवानमा पर्ने जग्गामा रहेका घर, गोठ र फलफूलका बिरुवाको मुआब्जा वितरण गरिने भएको छ । अहिले प्रस्तावित १२ सय मेगावाट क्षमताको जलविद्युत् आयोजना अन्तर्गत डुवान क्षेत्रमा पर्ने जग्गाको मुआब्जा वितरण कार्य भइरहेको छ । लामो समयसम्म जग्गा रोक्का राखेर पनि मुआब्जा दररेट नतोकिँदा स्थानीयले घर र रुखबिरुवाको लगत संकलनमा समेत अवरोध गरेका थिए । फिल्डमा पुगेर गर्नुपर्ने लगत संकलनलगायत काम तथा अन्य प्राविधिक काम सकेर सबै विवरण ऊर्जा मन्त्रालयमा पठाइएको छ ।

दसैंअघिदेखि नै घर, गोठ र फलफूलका बिरुवाको मुआब्जा वितरण सुरु गरिने बूढीगण्डकी जलविद्युत् आयोजना अन्तरगत वातावरण, मुआब्जा वितरण तथा पुनःस्थापना इकाइका संयोजक कृष्ण कार्कीले बताउनु भयो ।