आज राष्ट्रपति पौडेल डिस्चार्ज हुने

प्रकाशित मिति

२०८० जेष्ठ ३१ गते, बुधबार ०७:५४

३१ जेठ २०८०, काठमाडौँ : हिजाे मंगलबार मुटुमा समस्या देखिएका कारण शहीद गंगालाल राष्ट्रिय हृदय रोग केन्द्रमा भर्ना भएका राष्ट्रपति रामचन्द्र पौडेल बुधबार डिस्चार्ज हुँदैछन् ।

राष्ट्रपति पौडेलको उपचार भइरहेको र उनको स्वास्थ्य अवस्था सामान्य रहेको सो अस्पतालले एक विज्ञप्ति गरी जानकारी दिएको छ।

हिजो बिहान नियमित स्वास्थ्य परीक्षणका क्रममा अस्पताल पुगेका उनलाई चिकित्सकको सल्लाह अनुसार २४ घन्टासम्म अवलोकनमा राखिएको र आज डिस्चार्ज गर्न लागिएको अस्पतालका कार्यकारी निर्देशक डा.चन्द्रमणि अधिकारीले जानकारी दिए।