१४ साउन २०८३ काठमाडौं – राष्ट्रिय प्रजातन्त्र पार्टी (राप्रपा)की सांसद खुश्वु ओलीले सुनसरीको देवानगञ्ज–३ कप्तानगञ्जमा भएको हिंसात्मक घटनाबारे सरकारसँग स्पष्ट जवाफ माग गरेकी छन्।

बिहीबार प्रतिनिधिसभाको बैठकमा बोल्दै उनले घटनामा ओमप्रकाश मेहताको मृत्यु भएको र दर्जनौँ नागरिक घाइते भएको उल्लेख गर्दै नागरिकमाथि गोली चलाउने आदेश कसले दिएको हो भन्ने विषय सार्वजनिक गर्न माग गरिन्।

सांसद ओलीले शान्तिपूर्ण समाजमा नागरिकमाथि गोली प्रहार हुनु लोकतान्त्रिक व्यवस्थाका लागि गम्भीर र लज्जास्पद घटना भएको बताइन्। उनले ‘सुनसरीको कप्तानगञ्जमा गोली कसले चलायो र कसको आदेशमा नागरिकमाथि हतियार प्रयोग गरियो?’ भन्ने प्रश्न उठाउँदै सरकारले घटनाको सत्यतथ्य सार्वजनिक गर्नुपर्ने धारणा राखिन्।