२६ जेठ २०८३ काठमाडौं – विज्ञान, प्रविधि तथा नवप्रवर्तन मन्त्री महावीर पुनले पदभार ग्रहण गर्ने स्थान तय भएको छ। नयाँ मन्त्रालयको संरचना अझै पूर्ण रूपमा तयार नभएकाले मन्त्री पुनले साविकको खेलकुद मन्त्रालयको भवनबाट कार्यभार सम्हाल्ने भएका छन्।

विज्ञान, प्रविधि तथा नवप्रवर्तन मन्त्रालयकी सहसचिव मोनिका झाका अनुसार मन्त्रीको कार्यकक्ष उक्त भवनमै व्यवस्थापन गरिएको छ। मन्त्रालयको प्रारम्भिक कामकाज हाल शिक्षा मन्त्रालयअन्तर्गतको विज्ञान तथा प्रविधि शाखाबाट भइरहेको छ। तर, मन्त्री, सचिव तथा अन्य उच्च अधिकारीहरूको कार्यकक्ष क्रमशः साविक खेलकुद मन्त्रालय भवनमा सार्ने तयारी भइरहेको छ।

सहसचिव झाका अनुसार मन्त्रालयको संरचना निर्माण र व्यवस्थापन जारी रहेकाले पूर्ण रूपमा नयाँ भवनमा सर्न केही समय लाग्नेछ।