१४ साउन २०८३ काठमाडौं – पूर्वप्रधानमन्त्री तथा नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले मुलुकको वर्तमान राजनीतिक अवस्था सहज नरहेको बताएका छन्। बिहीबार प्रतिनिधिसभा बैठकलाई सम्बोधन गर्दै उनले पछिल्ला सरकारका गतिविधिले जनताले निर्वाचनमार्फत व्यक्त गरेको अपेक्षा पूरा गर्न नसकेको टिप्पणी गरे।

प्रचण्डले निर्वाचनमा राजनीतिक दलहरूले गरेका प्रतिबद्धताअनुसार काम हुन नसकेको उल्लेख गर्दै सरकारले जनविश्वास कायम गर्न नसकेको बताए। उनले वर्तमान अवस्थाप्रति जनस्तरमा बढ्दो चिन्ता देखिएको भन्दै परिस्थिति झन् जटिल बन्दै जाने हो कि भन्ने आशंका व्यक्त गरे।

उनले देशको राजनीतिक, सामाजिक र आर्थिक चुनौती समाधानका लागि सरकार जिम्मेवार र प्रभावकारी ढंगले अघि बढ्नुपर्ने आवश्यकता औँल्याए।