१२ जेठ २०८३ काठमाडौं – काठमाडौंको शैक्षिक क्षेत्रमा गुणस्तरीय, प्रविधिमैत्री र विद्यार्थी–केन्द्रित शिक्षाको पहिचान बनाउँदै आएको युनिग्लोब प्रिमियर स्कुल/कलेज राजधानीका उत्कृष्ट प्लस टु गन्तव्यहरूमध्ये एकका रूपमा स्थापित भएको छ। नयाँ बानेश्वरमा अवस्थित यस शैक्षिक संस्थाले कक्षा ११ र १२ अन्तर्गत विज्ञान र व्यवस्थापन संकायमा आधुनिक, व्यवहारिक तथा लक्ष्य–केन्द्रित शिक्षा प्रदान गर्दै आएको छ।

पोखरा विश्वविद्यालयबाट सम्बन्धन प्राप्त तथा विश्वविद्यालय अनुदान आयोगबाट मान्यता प्राप्त युनिग्लोब कलेजको शैक्षिक अनुभव र सुदृढ आधारमा स्थापित यस संस्थाले छोटो समयमै विद्यार्थी तथा अभिभावकबीच विश्वासिलो पहिचान बनाउन सफल भएको छ।

युनिग्लोब प्रिमियरको मुख्य विशेषता विद्यार्थी–केन्द्रित र प्रविधिमैत्री शिक्षण प्रणाली हो। परम्परागत घोकन्ते शिक्षाभन्दा फरक दृष्टिकोण अपनाउँदै यसले स्मार्ट क्लासरूम, अत्याधुनिक प्रयोगशाला तथा STEAM–आधारित शिक्षण पद्धतिमार्फत विद्यार्थीलाई २१औँ शताब्दीका आवश्यक सीप र प्रतिस्पर्धात्मक क्षमतासँग जोड्ने लक्ष्य लिएको छ।

विज्ञान संकायमा एमबीबीएस, इन्जिनियरिङ तथा विदेशमा उच्च शिक्षा अध्ययन गर्न इच्छुक विद्यार्थीका लागि अवधारणामूलक अध्ययन, अनुभवी शिक्षकहरूको मार्गदर्शन तथा प्रवेश परीक्षा केन्द्रित तयारी कक्षाहरू सञ्चालन गरिन्छ। त्यसैगरी व्यवस्थापन संकायमा सीए, वित्त, बैंकिङ, व्यवसाय तथा उद्यमशीलता क्षेत्रमा करिअर बनाउन चाहने विद्यार्थीलाई व्यवहारिक ज्ञान, केस स्टडी र प्रस्तुतीकरणमा आधारित शिक्षण प्रणाली प्रदान गरिन्छ।

शैक्षिक उपलब्धिसँगै विद्यार्थीको व्यक्तित्व विकास, नेतृत्व क्षमता र आत्मविश्वास निर्माणलाई पनि उत्तिकै महत्व दिइएको छ। यसका लागि खेलकुद तथा अतिरिक्त क्रियाकलापमा विशेष जोड दिँदै बास्केटबल, क्रिकेट र आधुनिक फुटसलजस्ता सुविधासम्पन्न पूर्वाधार उपलब्ध गराइएको छ, जसले विद्यार्थीलाई सकारात्मक, ऊर्जावान र प्रेरणादायी वातावरणमा सिक्ने अवसर प्रदान गर्छ।

यस संस्थाको अर्को महत्वपूर्ण पक्ष निरन्तर मूल्यांकन र व्यक्तिगत शैक्षिक निगरानी प्रणाली हो। विद्यार्थीको प्रगति नियमित रूपमा अभिभावकसँग समन्वय गरी मूल्यांकन गरिन्छ। आवश्यक परे अतिरिक्त कक्षा, अनलाइन शैक्षिक सहयोग, करिअर काउन्सिलिङ तथा मेन्टरसिप कार्यक्रम पनि सञ्चालन गरिन्छ। साथै एसईई नतिजा तथा प्रवेश परीक्षाका आधारमा छात्रवृत्ति प्रदान गर्ने व्यवस्थाले जेहेन्दार तथा आर्थिक रूपमा कमजोर विद्यार्थीलाई उच्च शिक्षामा पहुँच विस्तार गर्न सहयोग पुर्‍याएको छ।

समग्रमा, शिक्षा, अनुशासन, प्रविधि र व्यक्तित्व विकासको उत्कृष्ट संयोजनसहित युनिग्लोब प्रिमियर स्कुल/कलेज राजधानीमा प्लस टु शिक्षाको एक विश्वसनीय र आकर्षक शैक्षिक गन्तव्यका रूपमा स्थापित हुँदै गएको छ।