१३ माघ,२०८२ काठमाडौं – नेकपा संयोजक तथा पूर्वप्रधानमन्त्री पुष्पकमल दाहाल ‘प्रचण्ड’ले राष्ट्रिय स्वतन्त्र पार्टी (रास्वपा) ले सोसल मिडियामार्फत स्टन्टबाजी गर्दै जनतामा भ्रम फैलाइरहेको आरोप लगाएका छन् ।

मंगलबार काठमाडौंमा आयोजित वामपन्थी दलहरूको एकता घोषणा कार्यक्रममा बोल्दै उनले रास्वपामा विचार र सिद्धान्तको खडेरी रहेको दाबी गरे । घण्टी बजाएर मात्रै देश नबन्ने भन्दै सबै वामपन्थी शक्तिहरू एकताबद्ध भएर अघि बढ्नुपर्ने उनले बताए ।

प्रचण्डले वाम एकताबाट मात्रै मुलुक र जनताको हित हुने उल्लेख गर्दै मोहन वैद्य किरण समूहलाई पनि सम्मानका साथ स्वागत गर्ने बताएका छन् ।