कात्तिक  १६, २०८२ काठमाडौं— आज कात्तिक १६ गतेदेखि देशभरका सरकारी कार्यालयहरूको कार्यालय समय परिवर्तन भएको छ। अब कार्यालयहरू बिहान १० बजेदेखि दिउँसो ४ बजेसम्म मात्र खुल्ने भएका छन्।

हरेक वर्षझैं, कात्तिक १६ देखि माघ १५ गतेसम्म देशभरका सबै सरकारी कार्यालयमा छोटो कार्यसमय लागू हुने गर्दछ। यस अवधिमा शुक्रबारका दिन कार्यालय बिहान १० बजेदेखि दिउँसो ३ बजेसम्म खुला रहनेछ।

माघ १५ पछि भने कार्यालय समय पुनः पुरानै रूपमा बिहान १० बजेदेखि बेलुकी ५ बजेसम्म हुने छ। अहिले रात लामो र दिन छोटो हुने भएकाले कार्यसमय एक घण्टा घटाइएको हो। यस नीतिअनुसार आजदेखि सबै सरकारी कार्यालयहरूमा नयाँ कार्यसमय लागू भएको छ।