श्रावण २०,२०८२ काठमाडौं – बागमती प्रदेशका नव नियुक्त मुख्यमन्त्री इन्द्रबहादुर बानियाँले मंगलबार पद तथा गोपनीयताको शपथ लिएका छन्। प्रदेश प्रमुख कार्यालय, हेटौंडामा आयोजित विशेष समारोहमा प्रदेश प्रमुख दीपकप्रसाद देवकोटाले उनलाई शपथ ग्रहण गराएका हुन्।

नेपालको संविधानको धारा १६८(२) अनुसार गठबन्धनबाट मुख्यमन्त्री बनेका बानियाँ बागमती प्रदेशका छैटौँ मुख्यमन्त्री हुन्। उनी नेपाली कांग्रेस र नेकपा एमालेको समर्थनमा मुख्यमन्त्री बनेका हुन्।

एमालेबाट संसदीय दलका प्रमुख सचेतक मधुसुदन पौडेलको नेतृत्वमा किरण थापामगर, जयराम थापा, भरतबहादुर केसी, डा. दिनेशचन्द्र देवकोटा र विन्दु श्रेष्ठ मन्त्री बन्दै छ्न् । यस्तै कांग्रेसबाट शिवराज अधिकारी र कृष्णकुमार तामाङ मन्त्री बन्ने छन् । नवनियुक्त मन्त्रीहरूले पनि आजै शपथग्रहण गर्ने कार्यक्रम छ ।