फाल्गुण २०, २०८१ काठमाडौँ: साताको तेस्रो कारोबार दिन (मंगलबार) नेपाल स्टक एक्सचेन्ज (नेप्से) परिसुचक ३० अंकले घटेर बन्द भएको छ । कारोबार समयको सुरुवातिदेखि उत्तारचढाव भईरहेको नेप्से अन्तिम समयमा ३०.३६ अंकले घट्दै २८ सय ४६ को विन्दुमा झरेर बन्द भएको हो ।

आज कारोबार अवधिभर कुल ३ सय १८ कम्पनीका २ करोड ६३ लाख ७९ हजार बढी कित्ता सेयर किनबेच हुँदा कारोबार रकम १२ अर्ब ९४ करोड ६४ लाख रुपैयाँ नाघेको छ । यसअघि सोमबार कारोबार रकम १४ अर्ब नाघेको थियो ।

आज कारोबारमा आएकामध्ये सबै समुहका परिसुचक ओरालो लागेका छन् । यस्तै आज कारोबारमा आएकामध्ये १ सय ९८ कम्पनीको सेयरमूल्यमा गिरावट आउँदा जम्मा ४१ कम्पनीको सेयरमूल्य मात्रै बढेको छ ।