भाद्र १२, २०८१ काठमाडौँ: नेकपा माओवादी केन्द्रले सभामुख देवराज घिमिरेलाई चेतावनी दिँदै नियमावलीअनुसार सदन चलाउन ध्यानाकर्षण गराएको छ । माओवादी केन्द्रका प्रमुख सचेतक हितराज पाण्डेले नियमानुसार सदन नचलेको हुँदा चलाउन भनेका छन् ।

“नियम २६ अनुसार जब नियमावली पालना हुँदैन त्यसपछि नियमापत्ति राख्न पाइन्छ,” पाण्डेले भने, “सदन नियमअनुसार सदन चलेन, चलाइयोस् भन्न चाहन्छु ।”

पाण्डेको यो भनाइपछि सभामुख पनि आक्रोशित बनेका थिए । “नियमअनुसार चलिदिनू भन्ने सभामुखको निर्देशन मानिदिन अनुरोध गर्दछु,” आक्रोशित सभामुखले भनेका थिए ।