१० साउन, २०७८ काठमाडौँ : मेम्फिस डिपेले बार्सिलोनाका लागि डेब्यु खेलमै गोल गरेका छन् । जिरोनाविरुद्धको मैत्रिपूर्ण खेलमा बार्सिलोना ३–१ ले विजयी भयो । वैकल्पिक खेलाडीका रुपमा मैदान छिरेका डिपेले पेनाल्टी मार्फत गोल गरेका हुन् ।

यस खेलमा ३ वटा पेनाल्टी दिइएको थियो । जेरार्ड पिकेले खेलको २१औं मिनेटमा बार्सिलोनालाई पेनाल्टीमार्फत अग्रता दिलाएका थिए । त्यसको ३ मिनेटपछि रे मानाजले बार्सालाई २–० को अग्रता दिलाए ।

४२ औं मिनेटमा सामु साइजले पेनाल्टीमार्फत जिरोनाबाट गोल फर्काएपछि खेल २–१ को स्थितीमा आयो । दोस्रो हाफमा बराबरीका लागि ठूलो प्रयास गरेपनि जिरोनाको केही लागेन । र, ८५ औं मिनेटमा डिपेले पेनाल्टीमार्फत गोल गर्दा बार्सिलोनाको जीत पक्का भयो ।